رياستي ادارا هڪ پاسي ملڪ رياض ٻئي پاسي، صورتحال دلچسپ ٿي وئي

اسلام آباد(رئوف ڪلاسرا) نيب ملڪ رياض خلاف الزامن جو ڀنڊار کولي ڇڏيو آهي  پر ملڪ رياض جهڙو ماڻهو به نيب کان نه ٿو ڊڄي ۽ ان کي ڌمڪيون  ڏئي ٿو. ۽ ٽيهه   پنجٽيهه سالن جا راز کولڻ جو به اعلان ڪيوآهي. افتخار چوڌري جي دور ۾ به جڏهن کيس سوڙهو ڪيو ويو ته هن چيف جسٽس  جي پٽ کي ڏنل سهولتون ۽ سير تفريح جا سڀ راز کولي ڇڏيا هئا ۽ چيف جسٽس سامهون ان جي پٽ جا راز کولي رکيا ويا هئا سو ان وقت سڀ سمجهي ويا ته اگر هي ڪنهن کي ٽڪو به ڏئي ٿو ته ان جو راز سنڀالي رکي ٿو.ملڪ رياض نه رڳو نيب پر ان پويان ويٺل هر ماڻهو کي ٿريٽ ڪري رهيوآهي نوازشريف کان هن سستي پراپرٽي مهانگي اگهه ۾ خريد ڪئي، بشريٰ بي بي کي  ڊائمنڊ ۽ 28 ڪروڙ ڪيش ڏني وئي فرح گوگي کي سوين ڪينال زمين الاٽ ٿي وئي. بلاول هائوس جي تعمير  ميڊيا هائوسز هجن توڙي جرنيل هجن ملڪ رياض پهريون ماڻهو هيو جنهن ريٽائرڊ فوجي جرنيلن کي نوڪرين تي رکي ڏيکاريو ته انهن کي نوڪرين تي رکي سگجهي ٿو  بعد ۾ ٻين پراپرٽي  ڊيلرز به ائين ڪيو. هڪ ڊي جي آئي ايس آئي به ريٽائرمينٽ بعد وڃي پراپرٽي  واري وٽ نوڪري سان لڳو. ڪجه دوست چون ٿا ته بزنس کي نقصان جي ڊپ کان هو عمران ان خلاف بيان نه ٿو ڏيڻ گهري.هو فوجين سميت ٻين سڀني جا ثبوت ڏيڻ لاءِ تيار آهي پر عمران خان خلاف ثبوت  ڏيڻ لاءِ تيار ناهي. نيب کي به سمجهڻ گهرجي ته اها سياست هٿان استعمال ٿيندي رهي آهي. هاڻي توهان کان ڪير به نه ٿو ڊڄي.