لاهور (م ڊ) ڪڪڙ جو گوشت مهانگو ٿيڻ جا ڪارڻ سامهون اچي ويا آهن، ذريعن جو چوڻ آهي ته پرائيويٽ ڪمپنين جي هڪ هٽي سبب ڪڪڙ مهانگو ۽ ناياب ٿي ويو آهي، لاهور ۾ مرغي جو گوشت وڌيڪ مهانگو ٿي 700 رپيا في ڪلو ٿي ويو آهي، جڏهن ته سرڪاري اگهه 595 رپيا آهي، ٻئي طرف فارمرز جو فيڊ جي اگهه ۾ گهٽتائي جو مطالبو به رد ڪيو ويو آهي، سندن مطالبو هو ته سويابين جي اگهه ۾ گهٽتائي سبب مرغن جي خوراڪ جي قيمتن ۾ گهٽتائي ڪئي وڃي، 50 رپين جي گهٽتائي کانپوءِ سويابين جو اگهه 230 رپين مان گهٽجي 180 رپيا في ڪلو ٿي ويو.
