ڏکڻ فرانس ۾ هڪ گهر مالڪ پنهنجي ڪرائيدار کان گهر خالي ڪرائڻ لاءِ انوکو طريقو هٿ ڪيو.
فرانس ۾ ڪرائيدارن کي سياري جي موسم ۾ گهر مان ڪڍڻ قانوني ڏوهه هوندو آهي، ڀلي جو اهو مهل تي ڪرايو ڏئي ٿو يا نٿو ڏئي پر انکي ڪو به مالڪ نٿو ڪڍي سگهي.
اهڙي صورتحال ۾ هڪ ڪرائيدار طرفان ڪرايو نه ڏيڻ تي گهر جي مالڪ گهر جا دروازا ۽ دريون ڪڍرائي ڇڏيون ۽ ڪرائيدار کي اهو چيو ته هو در ۽ دريون پراڻيون ٿي ويون آهن جنهن جي ڪري هو اهي مٽرائي رهيو آهي.
ڪرائيدار عورت در ۽ دريون نه هجڻ ڪري سڄي رات سخت سيءَ ۾ ڏڪندي گذاري.
ڪرائيدار عورت هڪ ٻار جي ماءُ آهي ۽ هن چيو ته جيئن پهتس ته مزدور دَر ۽ در کنيو پئي ويا.
عورت چيو ته درن ۽ درين تي ڪپڙا ٽنگي گذارو ڪيو آهي، هاڻي خوف جي ڪري گهر مان نڪري به نٿي سگهان.
