جوهانسبرگ (ويب ڊيسڪ) پاڪستاني اوپنر عبدالله شفيق بدترين رڪارڊ پنهنجي نالي ڪري ورتو.
عبدالله شفيق ڪنهن به ون ڊي سيريز جي سڀني ميچن ۾ ٻڙي تي آئوٽ ٿيندڙ دنيا جو پهريون اوپنر بڻجي ويو، ڏکڻ آفريقا خلاف ون ڊي سيريز جي ٽنهي ميچن ۾ عبدالله شفيق کاتو نه کولي سگهيو.
24 ورهين جو عبدالله شفيق هڪ سال ۾ سڀ کان وڌيڪ ڀيرا ٻڙي تي آئوٽ ٿيندڙ پاڪستاني اوپنر پڻ بڻجي ويو آهي، هو هلندڙ سال 21 اننگز ۾ 7 ڀيرا ٻڙي تي آئوٽ ٿيو.
ان کان اڳ عمران نذير سال 2000 ۾ 6 ڀيرا ۽ محمد حفيظ سال 2012 ۾ 6 ڀيرا ٻڙي تي آئوٽ ٿيو هو.
واضح رهي ته سال ۾ سڀ کان وڌيڪ انٽرنيشنل ڊڪس جو رڪارڊ ڏکڻ آفريقا جي هرشل گبز ۽ سريلنڪا جي تلڪرتني دلشان وٽ آهي، جيڪي هڪ سال ۾ 8 ڀيرا ٻڙي تي آئوٽ ٿيا هئا.
