نئين دهلي (ويب ڊيسڪ) ڀارتي رياست تلنگانه ۾ ڪنوار طرفان آپگهات جي ڪوشش تي گهوٽ کيس جهنگ ۾ ڇڏي فرار ٿي ويو.
ڀارتي ميڊيا موجب مهاراشٽرا رياست سان واسطو رکندڙ وڪرم ملازمت جي سلسلي ۾ بينگلورو ۾ ترسيل هو، جتي ان جي ملاقات رابعا نالي ڇوڪري سان ٿي، ٻنهي کي پهرين ملاقات ۾ ئي هڪٻئي سان پيار ٿي ويو ۽ هنن 4 ڊسمبر تي شادي ڪئي پر تمام جلد ٻنهي ۾ جهيڙا ٿيڻ لڳا.
جوڙو بينگلورو ڇڏي حيدرآباد منتقل ٿي ويو پر جهيڙا ختم نه ٿيا، هن ڏينهن رابعا دلبرداشتا ٿي وڏي مقدار ۾ ننڊ جون گوريون کائي ڇڏيون، جنهن سان سندس طبعيت بگڙي وئي.
وڪرم زال کي اسپتال وٺي وڃڻ بدران کيس ملوگو منڊل جي ون ڊي مامڙي جهنگ ۾ ڇڏي فرار ٿي ويو.
جهنگ جي ڀرپاسي ۾ رهندڙ ماڻهن پوليس کي معاملي جو اطلاع ڏنو ۽ رابعا کي اسپتال منتقل ڪيو ويو.
پوليس رابعا جي گهرڀاتين کي واقعي جو اطلاع ڏنو، جڏهن ته گهوٽ جي ڳولا لاءِ ڇاپا هنيا پيا وڃن.
