ڪراچي (ويب ڊيسڪ) پاڪستاني اداڪارا ۽ ماڊل زينب رضا اڳوڻي صدر ۽ آرمي چيف جنرل پرويز مشرف جي ڏوهٽي هئڻ بابت گوگل معلومات کي غلط قرار ڏئي ڇڏيو.
ويجهڙ ۾ اداڪارا نجي ٽي وي جي مارننگ شو ۾ شرڪت ڪئي جنهن دوران هن ٻڌايو ته گوگل تي سندس حوالي سان غلط معلومات موجود آهي.
زينب رضا موجب، گوگل تي سندس عمر 23 سال ڄاڻائي وئي آهي جيڪا غلط آهي سندس حقيقي عمر 23 سال آهي ۽ اِها ڳالهه غلط آهي ته هوءَ آمريڪا مان آئي آهي.
اداڪارا ٻڌايو ته گوگل تي سندس دوست احمد ميمڻ کي سندس بواءِ فرينڊ قرار ڏنو ويندو آهي جڏهن ته حقيقت ۾ اهڙو ڪجهه نه آهي ڇو ته هو سندس ڀائرن جيان آهي.
زينب رضا چيو ته سوشل ميڊيا تي اڳوڻي صدر مرحوم پرويز مشرف کي سندن نانو سمجهيو ويندو آهي پر ايئن به نه آهي، هن جو پرويز مشرف جي خاندان جو واسطو نه آهي، گوگل تي سندس حوالي سان 99 سيڪڙو معلومات غلط آهي.
