بلاويو (ويب ڊيسڪ) زمبابوي خلاف ٻي ون ڊي ميچ لاءِ پاڪستان اليون جو اعلان ڪيو ويو، جنهن ۾ ٻه تبديليون ڪيون ويون آهن.
پاڪستان ۽ زمبابوي وچ ۾ ٻي ون ڊي ميچ ۾ بلاويو ۾ کيڏي ويندي، جنهن لاءِ حسيب الله جي جاءِ تي طيب طاهر ۽ محمد حسنين جي جاءِ تي ابرار احمد کي ٽيم ۾ شامل ڪيو ويو آهي.
ابرار احمد ۽ طيب طاهر پهريون ڀيرو پاڪستان طرفان ون ڊي ۾ ڊيبيو ڪندا.
واضح رهي ته پهرين ون ڊي ميچ ۾ زمبابوي پاڪستان کي ڊڪ ورٿ لوئس ميٿڊ تحت 80 رنسن سان شڪست ڏئي 3 ميچن جي سيريز ۾ 0-1 جي سرسي ماڻي هئي.
