باجوڙ (ويب ڊيسڪ) باجوڙ ۾ ٻن ڌماڪن ۾ پوليس اهلڪار سميت 2 ڄڻا مارجي ويا.
ڊي پي او وقاص رفيق موجب ڇنڇر جي صبح باجوڙ ضلعي جي تعلقي ماموند ۾ ٻه الڳ الڳ بم ڌماڪن ۾ ٻه ڄڻا مارجي ويا.
هن ٻڌايو ته پهريون ڌماڪو لوئي ماموند ٿاڻي جي حدن جي علائقي ايراب ۾ ٿيو، جنهن ۾ ملڪ اصغر مارجي ويو، جڏهن ته ٻيو ڌماڪو لوئي ماموند جي علائقي مينا خوڙ ۾ ٿيو، جنهن ۾ پوليس اهلڪار احسان الله مارجي ويو.
سندس چوڻ هو ته ڌماڪن کانپوءِ پوليس جاچ شروع ڪري ڇڏي آهي، جڏهن ته اڃا تائين ڪنهن ذميواري قبول ناهي ڪئي.
