برسبين ( ويب ڊيسڪ) قومي ٽيم جي اڳوڻي ڪپتان بابر اعظم آسٽريلوي ڪرڪيٽر عثمان خواجا کي سندس فائونڊيشن لاءِ پنهنجي ٽيسٽ جرسي جو عطيو ڏنو.
برسبين ۾ بابر اعظم عثمان خواجا کي پنهنجي شرٽ خواجا فائونڊيشن لاءِ ڏني.
ان موقعي تي عثمان خواجا چيو ته فائونڊيشن لاءِ عطيا گڏ ڪيان پيو، بابر پنهنجي ٽيسٽ جرسي ڏني، جنهن تي سندس ٿورائتو آهيان، بابر اعظم پاڪستان جو گريٽ ڪرڪيٽر آهي.
بابر اعظم چيو ته ڀاءُ عثمان سان رابطو ٿيندو رهندو آهي، ميچن ۾ ته ڳالهه ٻولهه ٿيندي رهندي آهي، مون واعدو ڪيو هو ته جڪيڏهن مان سپورٽ ڪري سگهيس ته ضرور ڪندس.
اڳوڻي ڪپتان چيو ته منهنجي لاءِ اها اعزاز جي ڳالهه آهي ته مان فائونڊيشن لاءِ ڪجهه ڪيو.
