ڪراچي (ويب ڊيسڪ) خوبصورت اداڪارا هانيه عامر جي هڪ ويڊيو سوشل ميڊيا تي وائرل ٿي رهي آهي، جنهن ۾ هن شاهه رُخ خان سان ملڻ جي خواهش جو اظهار ڪيو آهي.
”ڪڀي مين ڪڀي تم“ جي ڪاميابي کانپوءِ هانيه عامر مختلف ملڪن ۾ پنهنجي مداحن سان ملاقاتن ۽ انٽرويوز لاءِ دوري تي آهي، جتان مختلف ويڊيوز سامهون اچي رهيون آهن.
هاڻي اداڪارا جي هڪ اهڙي وڊيو به سامهون آئي آهي، جنهن ۾ کيس بالي وڊ ڪنگ شاهه رخ سان سان ملڻ جي خواهش جو اظهار ڪندي ڏٺو ويو آهي.
وڊيو ۾ ڏسي سگهجي ٿو ته ميزبان هانيه عامر کان شاهه رخ سان ملڻ بابت پڇيو، جنهن تي اداڪارا چيو ته ”شاهه رخ جيڪڏهن توهان اهو ڏسي رهيا آهيو ته مون سان ملو پليز“.
هانيه افسوس جو اظهار ڪندي اهو به چيو ته مان اڃا تائين شاهه رُخ خان سان ناهيان ملي سگهي، منهنجي دماغ ۾ اهو خيال به ايندو رهندو آهي ته اسان کي دوست هئڻ گهرجي.
ياد رهي ته هانيه عامر شاهه رُخ خان جي وڏي فين آهي.
