پرٿ (ويب ڊيسڪ ) آسٽريلوي ڪپتان جوش انگلس پاڪستان خلاف ون ڊي سيريز ۾ ٽيم ڪارڪردگي کي مايوس ڪندڙ قرار ڏئي ڇڏيو.
پاڪستان آسٽريليا کي ٽِين ۽ فيصلائتي ون ڊي ميچ ۾ اٺ وڪيٽن تان شڪست ڏئي ڪينگروز خلاف هوم گرائونڊ تي ٻاويهه ورهين بعد سيريز 1-2 تان کٽي نئين تاريخ لکي ڇڏي.
پاڪستان خلاف ٽين ون ڊي ۾ شڪست کانپوءِ پرٿ ۾ ميڊيا سان ڳالهائيندي آسٽريلوي ڪپتان جوش انگلس چيو ته سيريز ۾ ٽيم جي ڪارڪردگي مايوس ڪندڙ رهي.
جوش انگلس چيو ته آسٽريلوي ٽيم جي قيادت ڪرڻ اعزاز جوڳي ڳالهه آهي پر سيريز هارائڻ تي مايوس آهيان.
هن وڌيڪ چيو ته پاڪستان سان سيريز ۾ اسان مڪمل طور آئوٽ ڪلاس ٿي وياسين، بيٽرز ٻي ۽ ٽين ميچ ۾ وڏو ٽوٽل ٺاهڻ ۾ ناڪام رهيا.
