ڪرائسٽ چرچ (ويب ڊيسڪ ) نيوزيلينڊ ڪرڪيٽ ٽيم جي ڪپتان ٽِم سائوٿي ٽيسٽ ٽيم جي ڪپتاني تان هٿ کڻي ورتو.
نيوزيلينڊ ڪرڪيٽ جو چوڻ آهي ته ٽم سائوٿي جي جاءِ تي ٽام ليٿم کي ٽيسٽ ٽيم جو نئون ڪپتان مقرر ڪيو ويو آهي.
ٽام ليٿم ماضي ۾ نوَ ٽيسٽ ميچن ۾ ڪيوي ٽيم جي قيادت ڪري چڪو آهي، هو ڀارت خلاف شيڊيول ٽيسٽ سيريز ۾ مستقل ڪپتان طور ٽيم جون واڳون سنڀاليندو.
ٽم سائوٿي 14 ٽيسٽ ميچن ۾ نيوزيلينڊ ڪرڪيٽ ٽيم جي قيادت ڪئي، جنهن ۾ ڪيوي ٽيم کي ڇهن ۾ فتح ۽ ڇهن ۾ شڪست نصيب ٿي جڏهن ته ٻه ميچون ڊرا ٿيون.
واضح رهي ته ڀارت ۽ نيوزيلينڊ وچ ۾ ٽن ٽيسٽ ميچن تي ٻڌل سيريز جي پهرين ميچ 16 آڪٽوبر کان بئنگلورو ۾ کيڏي ويندي.
