ڪراچي (ويب ڊيسڪ) سنڌ هاءِ ڪورٽ ڪيترن ئي اميدوارن طرفان ايم ڊي ڪيٽ امتحان ڪالعدم قرار ڏيڻ ۽ ٻيهر امتحان وٺڻ جي درخواست تي ڌرين کي نوٽيس جاري ڪري ڇڏيا.
جسٽس صلاح الدين پنهور ۽ جسٽس امجد علي سهتو تي ٻڌل ٻه رڪني ڊويزن بئنچ سنڌ جي صحت کاتي جي سيڪريٽري، پاڪستان ميڊيڪل اينڊ ڊينٽل ڪائونسل، ڊائو يونيورسٽي آف هيلٿ سائنسز ۽ وفاقي جاچ اداري کي 9 آڪٽوبر لاءِ نوٽيس جاري ڪري ڇڏيا.
محمد شبير احمد ۽ ٻين 14 اميدوار گڏيل طور داخل درخواست ۾ موقف اختيار ڪيو ته ڊائو يونيورسٽي آف هيلٿ سائنسز 22 سيپٽمبر تي صوبي ۾ ٽيسٽ ورتي، مبينا طور امتحان کان هڪ ڏينهن اڳ ڪيترائي پرچا منظر تي آيا هئا، جنهن سان امتحاني عمل جي شفافيت تي شڪ شبها پيدا ٿيا.
