ڪراچي (ويب ڊيسڪ) پ پ اڳواڻ منظور وساڻ اڳڪٿي ڪندي چيو آهي ته حڪومتي سسٽم هلندو پر چهرا تبديل ٿيندا.
سياسي اڳڪٿين جي حوالي سان شهرت رکندڙ منظور وساڻ پنهنجي بيان ۾ چيو ته ڪي پي جي وڏي وزير ڀڀڪيون هڻي پي ٽي آءِ کي نقصان پهچايو.
موجوده حڪومت بابت هن چيو ته سسٽم هلندو پر چهرا تبديل ٿيندا، شهباز شريف سمجهدار ماڻهو آهي، موجوده حالتن ۾ ڪجهه ڪمال ڪري ويو ته بچي ويندو.
سندس چوڻ هو ته پ پ جا نمبر پورا آهن، ايندڙ وقت ۾ خبر پئجي ويندي.
