فيصل آباد (ويب ڊيسڪ) شاداب خان جي ٽيم پينٿرز چيمپيئنز ون ڊي ڪپ جي فائنل ۾ مارخورز کي 5 وڪيٽن تان شڪست ڏئي ٽائيٽل پنهنجي نالي ڪري ورتو.
فيصل آباد ۾ کيڏيل ميچ ۾ مارخورز ٽاس کٽي اڳ ۾ بيٽنگ جو فيصلو ڪيو ۽ سموري ٽيم 33.4 اوورن ۾ 122 رنسن تي ڍير ٿي وئي.
مارخورز طرفان فخر زمان 46، حسيب الله 27، بسم الله خان 16 رنسن سان اڳڀرا رهيا، جڏهن ته انهن کانسواءِ ٻيو ڪو رانديگر ڊبل فگر ۾ نه پهچي سگهيو.
پينٿرز طرفان محمد حسنين ۽ عرفات مهناس 3-3، ساجد خان 2، شاداب خان ۽ علي رضا هڪ – هڪ وڪيٽ حاصل ڪئي.
جواب ۾ پينٿرز گهربل هدف 18 اوورن ۾ 5 وڪيٽن جي نقصان تي حاصل ڪري ورتو.
فاتح ٽيم طرفان عبدل بنگلزئي 41، عمر صديق 19، رضوان محمود 16، ساجد خان 15، ڪپتان شاداب خان 14، عثمان خان 13 رنسون ٺاهيون.
مارخوز جي عاڪف جاويد ۽ محمد عمران 2-2، جڏهن ته شاهنواز ڏاهاڻي هڪ وڪيٽ ورتي.
