بيجنگ (ويب ڊيسڪ) چين ۾ اسڪول بس بي قابو ٿي ماڻهن تي چڙهي وئي، جنهن جي نتيجي ۾ 5 شاگردن سميت 11 ڄڻا فوت ٿي ويا.
پرڏيهي ميڊيا موجب واقعو چين جي صوبي شينڊونگ ۾ پيش آيو، جتي ڊرائيور کان بي قابو ٿيندڙ اسڪول بس هڪ اسڪول ڀرسان بيٺل هجوم ۾ داخل ٿي وئي، جنهن جي نتيجي ۾ 11 ڄڻا فوت ۽ ڪيترائي زخمي ٿي پيا.
چين جي سرڪاري ميڊيا 11 ڄڻا فوت ٿيڻ جي تصديق ڪندي ٻڌايو ته فوتين ۾ 5 شاگرد شامل آهن، جڏهن ته ٻين 6 ڄڻن ۾ انهن جا والدين آهن.
پوليس ڊرائيور کي حراست ۾ وٺي ڇڏيو، جنهن کان پڇا ڳاڇا ڪئي پئي وڃي، جڏهن ته فوري طور حادثي جو ڪارڻ سامهون ناهي اچي سگهيو.
