نئين دهلي (ويب ڊيسڪ) ڀارتي رياست آنڌرا پرديش جي گرلز هاسٽل جي واش روم ۾ ڳجهي ڪئميرا سان ٺاهيل وڊيوز شاگردن ۾ وڪرو ڪرڻ جو انڪشاف ٿيو آهي.
ڀارتي ميڊيا موجب اهو افسوسناڪ واقعو آنڌرا پرديش جي ضلعي ڪرشنا جي ايس آر گڊلاواليرو نالي انجنيئرنگ ڪاليج ۾ پيش آيو.
گذريل هفتي گرلز انجنيئرنگ ڪاليج جي هاسٽل جي واش روم مان ڳجهي ڪئميرا برآمد ٿيڻ تي شاگردياڻين احتجاج ڪيو هو، جنهن کانپوءِ پوليس جاچ شروع ڪئي، جنهن دوران بوائز هاسٽل جي سينيئر شاگرد وجي ڪمار کي گرفتار ڪيو ويو.
ڀارتي پوليس شاگرد وجي ڪمار جو ليپ ٽاپ ضبط ڪندي جاچ شروع ڪئي هئي.
پوليس کي وجي جي ليپ ٽاپ مان هاسٽل واش روم مان رڪارڊ ڪيل 300 اعتراض جوڳيون وڊيوز مليون، جيڪي ٻين شاگردن ۾ وڪرو ڪرڻ جو انڪشاف ٿيو آهي.
