ڪراچي (ويب ڊيسڪ) سنڌ هاءِ ڪورٽ ڪارساز حادثي ڪيس ۾ جوابدار عورت جي مڙس جي حفاظتي ضمانت منظور ڪري ورتي.
سنڌ هاءِ ڪورٽ جوابدار جي مڙس جي 7 ڏينهن لاءِ حفاظتي ضمانت منظور ڪئي.
جوابدار جي مڙس جي وڪيل عدالت ۾ چيو ته منهنجي اصيل جو واقعي سان ڪو واسطو ناهي، جوابدار جيل ۾ آهي، منهنجي اصيل جي حفاظتي ضمانت منظور ڪئي وڃي.
عدالت حفاظتي ضمانت جي درخواست قبول ڪندي جوابدار جي مڙس کي 50 هزار رپين جا مچلڪا جمع ڪرائڻ جو حڪم ڏئي ڇڏيو.
