اسلام آباد (ويب ڊيسڪ) پاڪستان ۾ سوشل ميڊيا ۽ آن لائن ڪميونيڪيشن سروسز ۾ خلل سبب سڄي ملڪ ۾ واهپيدارن کي واٽس اپ، فيس بڪ، انسٽاگرام سميت مختلف سوشل ميڊيا ايپس استعمال ڪرڻ ۾ ڏکيائيون پيش اچي رهيون آهن، جڏهن ته پاڪستان ۾ سرڪاري ادارن، وڏن ادارن تي سائبر حملن جو خطرو آهي.
تعليمي ادارن، يونيورسٽين، ننڍين صنعتن، اي ڪامرس، صحت ۽ خانگي ادارن کي خبردار ڪيو ويو آهي ته اهي فوري طور تي احتياطي اپاءَ وٺن.
ذريعن موجب آڊيو، وڊيوز جي اپ لوڊ ۽ ڊائون لوڊنگ ۾ اڻ اعلانيل رنڊڪون اچي رهيون آهن.
راولپنڊي، اسلام آباد، لاهور، ڪراچي، بهاولپور، اوڪاڙه، گوجرانوالا سميت ڪيترن ئي شهرن ۾ وي پي اين استعمال ڪندڙن کي ڏکيائين کي منهن ڏيڻو پئجي رهيو آهي.
پي ٽي اي ۽ موبائيل ۽ انٽرنيٽ سروس فراهم ڪندڙ ادارن جي طرفان مسلسل خاموشي اختيار ڪئي وئي آهي.
