ڪراچي ( ويب ڊيسڪ ) پاڪستاني ماڊل ۽ ميزبان مٿيرا انڪشاف ڪيو آهي ته هوءَ گهر جو ڪم ڪار ڪرڻ تي پنهنجي پٽن کي معاوضو ڏيندي آهي.
ميڊيا رپورٽن موجب مٿيرا آگسٽ 2014ع ۾ پنجابي ڳائڻي ڪارفلنٽ جَي سان شادي ڪئي هئي ۽ 2018ع ۾ ٻنهي ۾ طلاق ٿي وئي.
تازو ئي هڪ انٽرويو ۾ مٿيرا پنهنجي پٽن جي پرورش جي ڳالهه ڪئي، جنهن ۾ هن ٻارن جي پرورش بابت سماج ۾ ڦهليل ناڪاري روين بابت به ڳالهايو.
پٽن جي تربيت جي حوالي سان مٿيرا چيو ته ماءُ جو رويو ٻارن جي شخصيت ۾ نرالو ٿئي ٿو، اهو رويو نه رڳو ڇوڪرين پر ڇوڪرن ڏانهن به منتقل ٿيندو آهي.
سندس چوڻ هو ته مون کي 3 پٽ آهن، وڏي پٽ جي عمر 16 سال آهي، هن عمر جي ٻارن لاءِ مان هر والدين کي چوان ٿو ته نوجوان ٻارن ۽ انهن جي غلطين کي نظرانداز ڪن ڇو ته هن عمر ۾ ٻارن کي اسپيس جي ضرورت هوندي آهي.
هن وڌيڪ چيو ته نوجوان ٻار جو ذهن ڪنٽرول ۾ ناهي هوندو ، تنهنڪري ٻارن ۾ وڙهڻ جو رجحان گهڻو هوندو آهي.
هن چيو ته گهر يا ٻارڙن جي ذميواري بابت مان پنهنجي پٽن کي ڪجهه به محسوس ناهيان ڪرائيندي پر گهر جي خرچن جا بل ضرور ٻارڙن سامهون رکندي آهيان ته جيئن ٻارهي شيءَ جي قيمت کي سمجهي سگهن.
