لاهور ( ويب ڊيسڪ ) لاهور جي دهشتگردي ٽوڙ عدالت 9 مئي واقعن واري ڪيس ۾ پاڪستان تحريڪ انصاف جي اڳواڻ ۽ اڳوڻي پرڏيهي وزير شاهه محمود قريشي تي فرد جرم لاڳو ڪري ڇڏيو.
شاهه محمود قريشي تي 9 مئي تي شادمان ٿاڻي ۾ ڀڃ ڊاهه سميت ٻيا ڪيس داخل آهن، کيس اڄ فردم جرم جي ڪارروائي لاءِ طلب ڪيو ويو آهي.
شاهه محمود قريشيءَ کي اڄ صبح انتهائي سخت سيڪيورٽي ۾ اڊيالا جيل کان لاهور منتقل ڪيو ويو هو.
دهشتگردي ٽوڙ عدالت شاهه محمود قريشي خلاف ڪوٽ لکپت جيل ۾ ٻڌڻي ڪئي ۽ عدالت نوَ مئي ڪيس ۾ مٿس فرد جرم لاڳو ڪري ڇڏيو.
عدالت ايندڙ ٻڌڻي تي شاهدن کي طلب ڪندي ڪيس جي وڌيڪ ٻڌڻي 22 جولاءِ تائين ملتوي ڪري ڇڏي.
ATC ShahMahmoodQureshi May9case
