سيئول (ويب ڊيسڪ) ڏکڻ ڪوريا روس ۽ اتر ڪوريا جي گڏيل اسٽريٽجڪ پارٽنرشپ معاهدي جي مذمت ڪندي چيو آهي ته روس جي اتر ڪوريا لاءِ فوجي امداد سان ڏکڻ ڪوريا ۽ روس جي لاڳاپن تي ناڪاري اثر پوندا.
ڏکڻ ڪوريا چيو آهي ته اهڙا قدم جنهن سان اتر ڪوريا جي فوجي صلاحيت وڌائڻ ۾ مدد ملندي گڏيل قومن جي ٺهرائن جي ڀڃڪڙي آهن.
ڏکڻ ڪوريا آمريڪا ۽ جاپان سان سيڪيورٽي سهڪار کي وڌيڪ مضبوط ڪرڻ جي عزم جو اظهار ڪيو.
هوڏانهن جاپان به روس ۽ اتر ڪوريا جي معاهدي تي سخت خدشن جو اظهار ڪيو آهي.
چين ان معاملي تي تبصري کان انڪار ڪندي ان کي اتر ڪوريا ۽ روس جو ٻه طرفو معاملو قرار ڏنو.
ٻئي پاسي نيٽو جي سيڪريٽري جنرل چيو ته معاهدي سان ظاهر ٿئي ٿو ته آمراڻيون طاقتون صفبندي ڪري رهيون آهن.
usa russia japan
