اسلام آباد (ويب ڊيسڪ) تحريڪ انصاف اڳواڻ اسد قيصر عيد کانپوءِ حڪومت خلاف تحريڪ هلائڻ جو اعلان ڪري ڇڏيو.
نجي ٽي وي چئنل جي پروگرام ۾ گفتگو ڪندي اسد قيصر چيو ته اسان جي تحريڪ پرامن هوندي، مولانا فضل الرحمان سان اسان جي ڳالهه ٻولهه اڳتي رهي آهي، نواز شريف ۽ آصف زرداري سان ڳالهيون نه ٿينديون، ڳالهيون ان صورت ۾ ٿينديون جڏهن اسان جو مينڊيٽ تسليم ڪندا، چوري ڪيل مينڊيٽ اسان کي واپس ڪندا.
هن چيو ته ملڪ تڏهن اڳتي وڌندو جڏهن آئين ۽ قانون موجب هلندو، احتياط سان اڳتي وڌي رهيا آهيون، عيد کانپوءِ وڏو اجلاس ٿيندو ۽ عيد کانپوءِ اتحاد کي باضابطا طور شڪل ڏيڻي آهي، جيڪو به ڪنداسين آئين ۽ قانون موجب ڪنداسين.
pti asadqaiser imrankhan
