لنڊن جو ميئر صادق خان به بابر اعظم جو پرستار نڪتو

لنڊن جو ميئر صادق خان به قومي ٽيم جي ڪپتان بابر اعظم جو پرستار نڪتو آهي.
قومي ڪرڪيٽ ٽيم جي اعزاز ۾ پاڪستاني هاءِ ڪمشنر ڊاڪٽر فيصل لنڊن ۾ مهانجاندو ڏنو، جنهن ۾ وفاقي گهرو وزير محسن نقوي، لنڊن جو ميئر صادق خان ۽ اڳوڻو نگران وزير اعظم انوار الحق ڪاڪڙ سميت اهم شخصيتن شرڪت ڪئي.
ان موقعي تي ميڊيا سان ڳالهائيندي ميئر لنڊن صادق خان چيو ته بابر اعظم سٺي فارم ۾ آهي، هو منهنجو به فيوريٽ پليئر ۽ رول ماڊل آهي.
صادق خان جو چوڻ هو ته اوول ۾ کيڏي ويندڙ اڄ واري مئچ ۾ سٺو مقابلو ٿيندو، اڄ جو مئچ پاڪستان ٽيم يا انگلينڊ جي ڪاميابي جي ٻنهي صورتن ۾ منهنجي ڪاميابي آهي.
هن ٻڌايو ته مونکي پاڪستاني ٽيم جي بالنگ ڏسي وقار يونس ۽ وسيم اڪرم ياد ايندو آهي.

You might also like
Leave A Reply

Your email address will not be published.