ڪراچي (ويب ڊيسڪ) سنڌ جي وڏي وزير مراد علي شاهه چيو آهي ته ڪراچي جون حالتون هاڻ بهتر آهن، ڪو وقت هو جو ٽارگيٽ ڪلنگ ٿيندي هئي، هاڻ شهر ۾ دهشتگردي جا واقعا گهٽجي ويا آهن.
پ پ اڳواڻ جاويد ناگوري جي ڀاءُ اڪبر ناگوري جي ورسي تقريب کي خطاب ڪندي مراد علي شاهه چيو ته پوليس ۽ رينجرز ڪراچي ۾ امن قائم ڪيو، ڪو دور هو جو روز ڌماڪن جون خبرون اينديون هيون، شهر ۾ هاڻ حالتون بهتر آهن، اسٽريٽ ڪرائم جي واقعن تي ضابطو آڻينداسين.
سندس چوڻ هو ته سنڌ حڪومت عوام جا مسئلا ترجيحي بنيادن تي حل ڪندي، اسان بلاول ڀٽو جي قيادت ۾ صوبي ۽ ملڪ ۾ امن قائم ڪنداسين.
