نئين دهلي ( ويب ڊيسڪ ) انڊين پريميئر ليگ ( آءِ پي ايل ) جي 17 هين ايڊيشن ۾ جي 43 هين ميچ ۾ دهلي ڪيپيٽلز ممبئي انڊينز کي ڏهن رنسن تان شڪست ڏئي پوائنٽس ٽيبل 10 پوائنٽن سان تي پنجين پوزيشن حاصل ڪري ورتي.
نئين دهلي جي اروند جيٽلي ڪرڪيٽ اسٽيڊيم ۾ ممبئي جي ڪپتان هاردِڪ پانڊيا ٽاس کٽي پهريان بالنگ جو فيصلو ڪيو جيڪو غلط ثابت ٿيو.
دهلي ڪيپيٽلز جي اوپنرن جِيڪ فريزر ۽ اڀيشيڪ پوريل اننگز شاندار شروعات ڪئي.
دهلي پهريان بيٽنگ ڪندي مقرر 20 اوورن ۾ چئن وڪيٽن جي نقصان تي 257 رنسون ٺاهيون.
جيڪ فريزز 27 بالن تي تيز 84 رنسون ٺاهيون جنهن ۾ ڇهه ڇڪا ۽ يارنهن چوڪا پڻ شامل هئا، جڏهن ته ٽريسٽن اسٽوبس 48، شاءِ هوپ 41، اڀيشيڪ پوريل 36 ۽ ڪپتان رشڀ پنت 29 رنسون ٺاهيون.
ممبئي طرفان جسپريت بُمرا، ليوڪ ووڊ، پيئوش چاولا ۽ محمد نبي هڪ، هڪ وڪيٽ ورتي.
258 رنسن جي هدف پٺيان ڊوڙندي ممئي انڊينز مقرر 20 اوورن ۾ 9 وڪيٽن جي نقصان تي 247 رنسون ٺاهي سگهي ۽ 10 رنسن تان ميچ هارائي وئي.
ممبئي طرفان تلَڪ ورما 63، هاردڪ پانڊيا 46، ٽِم ڊيوڊ 37 ۽ سوريا ڪمار ياديو 26 رنسون ٺاهي آئوٽ ٿيو.
دهلي جي مُڪيش ڪمار ۽ راسيخ سلام ٽي، ٽي، جڏهن ته خليل احمد ٻه وڪيٽون حاصل ڪيون.
شاندار بيٽنگ تي جيڪ فريزر کي پليئر آف دي ميچ قرار ڏنو ويو.
Next Post
You might also like