ڪراچي (ويب ڊيسڪ) ڪراچي جي دهشتگردي واري عدالت چئن پوليس اهلڪارن جي قتل ڪيس ۾ ملوث جوابدار کي چار ڀيرا موت جي سزا ٻڌائي ڇڏي.
ڪورنگي جي علائقي ۾ حنيف نهاري وٽ ماني کائيندڙ چئن پوليس اهلڪارن جي قتل ڪيس ۾ عدالت جوابدار آصف ڪٽو کي چار ڀيرا موت واري سزا ٻڌائي.
عدالت ۾ جوابدار تي 8 لک رپيا ڏنڊ به لڳايو ويو، جڏهن ته جوابدار جي ملڪيت به ضبط ڪرڻ جو حڪم ڏنو ويو.
سرڪاري وڪيل عدالت کي ٻڌايو ته ڪيس ۾ گهربل ٻيا 2 جوابدار بلال ۽ عبدالسلام پوليس ۾ مقابلي مارجي چڪا آهن، جوابدار آصف ڪٽو جي سڃاڻپ شاهدن ڪئي هئي.
واضح رهي ته جوابدارن 12 جولائي 2015ع ۾ حنيف نهاري وٽ ماني کائيندڙ چئن پوليس اهلڪارن مٿان فائرنگ ڪئي هئي، جوابدارن جي فائرنگ ۾عقيل احمد، محمد انور، جميل احمد ۽ محمد اختر مارجي ويا هئا.
جوابدار آصف ڪٽو وٽان هٿ آيل هٿيارن ۽ واقعي واري هنڌ وٽان ملندڙ گولين جي خول ميچ ٿيا، جوابدار پوليس اهلڪارن تي فائرنگ ڪري انهن جا سرڪاري هٿيار به ساڻ کڻي ويا هئا.
Prev Post
Next Post
You might also like