واشنگٽن ( ويب ڊيسڪ ) ناڻي واري وزير محمد اورنگزيب جِي آمريڪا جَي ڏکڻ ۽ وچ ايشيائي معاملن بابت پرڏيهي وزير ڊونلڊ لـُو ۽ آمريڪي پرڏيهي کاتي جَي پرنسپل ڊپٽي اسسٽنٽ سيڪريٽري اليزبيٿ هورسٽ سان ملاقات ٿي جنهن ۾ پاڪ، آمريڪا لاڳاپن کي وڌيڪ مضبوط ڪرڻ لاءِ واشنگٽن جَي عزم جو ورجاءُ ڪيو ويو.
اها ملاقات ورلڊ بينڪ هيڊ ڪوارٽر ۾ ٿي جتي پرڏيهي وزير آمريڪي عهديدارن کي پاڪستان جَي سڌارن بابت ايجنڊا تي بريفنگ ڏني.
محمد اورنگزيب چيو ته ٽيڪس جي بنياد کي وسيع، توانائي جي شعبي کي هموار ڪرڻ ۽ نجڪاري ترجيح آهن.
ملاقات ۾ متبادل توانائي، زراعت، آب هوا ۽ ٽيڪ انڊسٽري جي معاملن تي به ڳالهيون ٿيون، ناڻي واري وزير پاڪ، آمريڪا اقتصادي ڀائيواري کي اپ گريٽ ڪرڻ تي به زور ڏنو.
ناڻي واري وزير آءِ ٽي، زراعت ۽ ٻين شعبن ۾ سيڙپڪاري جي موقعن تي به ڳالهايو.
هن چيو ته پاڪستان يـُو ايس انٽرنيشنل ڊيولپمينٽ فنانس ڪارپوريشن سان گڏجي ڪم ڪندو، پاڪستان ايگـِزم بينڪ سان به ڪم ڪندو.
