لاهور (ويب ڊيسڪ) وفاقي گهرو وزير محسن نقوي سوشل ميڊيا جي استعمال بابت سخت قانون ٺاهڻ جي حمايت ڪري ڇڏي.
لاهور ۾ پريس ڪانفرنس ڪندي محسن نقوي جو چوڻ هو ته ٻين ملڪن ۾ ڪوڙي ويڊيو ۽ خبر شيئر ڪرڻ وارن سان جيڪو ٿيندو آهي اهو سڀني کي خبر آهي.
هن جو چوڻ هو ته پاڪستان ۾ اظهار جي آزادي هجڻ گهرجي پر اهڙو قانون به هجڻ گهرجي، جيڪو ڪوڙو الزام لڳائي ان کي پڪڙيو وڃي.
ڪراچي ۾ بدامني تي ڳالهائيندي گهرو وزير جو چوڻ هو ته مڃيون ٿا ڪراچي ۾ ڏوهه ٿين ٿا پر اهو به ڏسو ته اتي پوليس روزانو جي بنياد تي مقابلا ڪري پئي.
بهاولنگر واقعي جي سوال تي هن چيو ته ويڙهه گهر ۾ ڀائرن جي به ٿيندي آهي، هڪ واقعي کي جواز بڻائي اهو نٿو چئي سگهجي ته سڄي فورس ئي خراب آهي، ڀارت ۾ به اهڙو واقعو ٿيو هيو پر اتان جو رويو ڏسي اسان کي سبق وٺڻ گهرجي .
Next Post
You might also like