عارف والا (ويب ڊيسڪ) پنجاب جي تعلقي عارف والا ۾ شرط لڳائي ڊيزل پيئندڙ نوجوان لاڏاڻو ڪري ويو.
عارف والا جي ڳوٺ ۾ شرط تي هڪ ليٽر ڊيزل پيئندڙ نوجوان زندگي جي جنگ هارائي ويو.
گهر ڀاتين موجب ڳوٺ 75 اي بي ۾ مرتضيٰ 50 هزار رپين لاءِ دوستن سان ڊيزل پيئڻ جو شرط لڳايو هو، ڊيزل پيئڻ سان سندس حالت خراب ٿي وئي، ڳڻتيءَ جوڳي حالت ۾ کيس اسپتال نيو ويو، جتي هو لاڏاڻو ڪري ويو.
پوليس ٻڌايو ته نوجوان جي وارثن قانوني ڪارروائي لاءِ رابطو ناهي ڪيو، انهن رابطو ڪيو ته ڪارروائي ڪئي ويندي.
