ڪراچي (ويب ڊيسڪ) سنڌ حڪومت استادن جي ڀرتي تان پابندي ختم ڪري ڇڏي، صوبي ۾ پرائمري ۽ جونيئر اسڪول ٽيچرز ڀرتي ڪيا ويندا.
صوبائي تعليم کاتي استادن جي ڀرتي تان پابندي ختم ڪرڻ جو نوٽيفڪيشن جاري ڪري ڇڏيو ۽ ٽيسٽ پاس ڪندڙ اميدوارن جا تفصيل طلب ڪري ورتا.
سڄي سنڌ ۾ پرائمري ۽ جونيئر اسڪول ٽيچر ڀرتي ڪيا ويندا.
واضح رهي ته سنڌ هاءِ ڪورٽ ۾ صوبي ۾ سرڪاري ملازمتن تي پابندي بابت ڪيس جي ٻڌڻي ٿي هئي، جنهن ۾ صوبائي حڪومت کي سنڌ ۾ سرڪاري ڀرتين جي مشروط اجازت ڏني وئي هئي.
عدالت هدايت ڪئي ته هڪ کان 15 گريڊ تائين سرڪاري ڀرتين لاءِ قانوني طريقي ڪار اختيار ڪيو وڃي.
You might also like