لاهور ( ويب ڊيسڪ ) اولمپيئن جيولين ٿرور ارشد نديم ٽريننگ لاءِ ڏکڻ آفريڪا روانو ٿي ويو .
ان موقعي تي ارشد نديم رمضان ۽ عيد جون خوشين جي مبارڪون ڏيندي ٻڌايو ته هو ڏکڻ آفريڪا ۾ پنجن هفتن تائين ٽريننگ ڪندو.
ارشد نديم چيو ته سندس گوڏي جي انجري جي سرجري کانپوءِ هاڻي ري هيپ مڪمل ٿي چڪو آهي ۽ هو بهتر محسوس ڪري رهيو آهي.
هن وڌيڪ چيو ته اولمپڪس ويجهو آهن ان لاءِ محنت ڪري رهيو آهيان، سپورٽ ڪرڻ تي وزيراعظم شهباز شريف جو ٿورائتو آهيان.
