ڪراچي ( ويب ڊيسڪ ) ڪراچي ۾ رينجرز ۽ پوليس گڏيل ڪارروائي ڪندي 2 جوابدارن کي گرفتار ڪري ورتو.
ڳجهي اطلاع تي اسلاميا ڪالوني ۽ اورنگي ٽائون ۾ ڪارروائي ڪئي وئي.
ڪارروائي دوران ڦرلٽ جي وارداتن ۾ ملوث نويد خان ۽ علي حسين عرف جاجو کي گرفتار ڪيو ويو .
رينجرز ترجمان موجب جوابدارن نويد خان ۽ علي حسين عرف جاجو 60 وڌيڪ موبائل فونز ۽ 4 لک کان وڌيڪ رقم ڦرڻ جو اعتراف ڪيو.
جوابدارن جا بفر زون ۾ اليڪٽرانڪس جي دڪان تي واردات جا سي سي ٽي وي فٽيجز وائرل ٿيا هئا
ترجمان موجب جوابدارن جي ٻين ساٿين جي گرفتاري لاءِ ڇاپا هنيا پيا وڃن.
