لاهور (ويب ڊيسڪ) پنجاب اسيمبلي ۾ ڇوڪرين جي ننڍي عمر ۾ شادين خلاف ٺهراءُ پيش ڪيو ويو آهي.
صوبائي اسيمبلي جي ميمبر ساره احمد ٺهراءُ جمع ڪرايو، جنهن ۾ 18 سالن کان گهٽ عمر جي ڇوڪرين جي شادي تي پابندي لڳائڻ جي تجويز ڏني وئي آهي.
ٺهراءُ ۾ چيو ويو آهي ته ننڍي عمر ۾ شاديون ننڍي عمر جي ڇوڪرين جي زندگين ۽ صحت لاءِ خطرو بڻجي سگهن ٿيون ۽ ان جا خطرناڪ نتيجا نڪري سگهن ٿا.
هن ٺهراءَ جو مقصد عوام کي ان مسئلي کان آگاهه ڪرڻ ۽ شادي جي عمر جي حد 18 سال مقرر ڪرڻ کي يقيني بڻائڻ آهي.
اهو ٺهراءُ گذريل ڏينهن جمع ڪرايو ويو هو.
