ڊيرا اسماعيل خان ( ويب ڊيسڪ ) سيڪيورٽي فورسز ڊيرا اسماعيل خان ۾ آپريشن دوران چئن دهشتگردن کي جهنم ڀيڙو ڪري ڇڏيو.
آءِ ايس پي آر موجب سيڪيورٽي فورسز ڊي آءِ خان ۾ دهشتگردن جي موجودگي جي اطلاع تي آپريشن ڪيو. آپريشن دوران فائرنگ جي ڏي وٺ ۾ دهشتگرد مصطفيٰ، قدرت الله ۽ اسلام الدين سميت 4 دهشتگرد مارجي ويا.
آءِ ايس پي آر موجب مارجي ويل دهشتگردن وٽان هٿيار، ڌماڪيدار مادو هٿ ڪيو ويو. مارجي ويل دهشتگرد سيڪيورٽي فورسز خلاف ڪاررواين ۽ شهرين جي قتل ۾ ملوث هئا.
علائقي ۾ دهشتگردن کي ختم ڪرڻ لاءِ سيني ٽائزيشن آپريشن ڪيو پيو وڃي. سيڪيورٽي فورسز ملڪ مان دهشتگردي جي لعنت کي ختم ڪرڻ لاءِ پرعزم آهن..
