نوشهرا (ويب ڊيسڪ) نوشهرا جي علائقي نظام پور ۾ چوري جي انوکي واردات ٿي، جتي جوابدارن رات جي اونداهي ۾ واردات کانپوءِ گهر کي باهه ڏئي ڇڏي.
اهو واقعو مهتاب رحيم نالي شخص جي گهر ۾ گذريل رات پيش آيو، جوابدار گهر مان لکين رپيا روڪ ۽ 5 لک رپين جو لوهه به کڻي ويا.
چورن ويندي ويندي گهر ۾ موجود سامان کي به باهه ڏئي ڇڏي، جنهن سان سڄو سامان سڙي رک ٿي ويو.
پوليس واقعي جي ايف آءِ آر داخل ڪري جاچ شروع ڪري ڇڏي آهي.
