اسلام آباد (ويب ڊيسڪ) اسلام آباد، پشاور ۽ مردان سميت ملڪ جي مختلف شهرن ۾ زلزلي جا لوڏا محسوس ڪيا ويا.
وفاقي راڄڌاني ۽ خيبرپختونخواهه جي علائقن پشاور، ايبٽ آباد، مانسهره، مردان، ڪوهاٽ، صوابي، چارسده ۽ نوشهره ۾ زلزلي جا لوڏا محسوس ڪيا ويا. زلزلي مرڪز موجب زلزلي جي شدت 5.3 رڪارڊ ڪئي وئي.
زلزلي سبب ماڻهو خوف ۾ ڪلمو پڙهندا گهرن مان ٻاهر نڪري آيا، جڏهن ته هن وقت تائين ڪنهن به جاني نقصان جا اطلاع ناهن مليا.
