دوحا ( ويب ڊيسڪ ) پاڪستان جو اويس منير ايشين اسنوڪر چيمپيئن شپ جي فائنل لاءِ ڪواليفاءِ ڪري ورتو.
قطر ۾ جاري ايشين اسنوڪر چيمپيئن شپ جي سيمي فائنل ۾ اويس منير جو مقابلو تجريبڪار دفاعي چيمپيئن ايران جي عامر سرڪوش سان هو.
پاڪستان اسٽار بهترين ڪيو ڪنٽرول جو مظاهرو ڪندي حريف کي4-1 تان آئوٽ ڪلاس ڪري ڇڏيو ۽ کيس مسلسل چوٿون ۽ مجموعي طور پنجون فائنل کيڏڻ کان محروم ڪري ڇڏيو.
اويس پهريون فريم 36-57 جي اسڪور تان کٽيو، ٻئي فريم ۾ عامر سرڪوش شاندار واپسي ڪئي.
مقابلو هڪ-هڪ تان برابر ٿيڻ کانپوءِ اويس هڪ ڀيرو وري راند تي ڪنٽرول سنڀالي ورتو ۽ ايندڙ ٽئي فريمز 17-75، 47-67، 32-69 جي اسڪور تان کٽي فائنل لاءِ ڪواليفاءِ ڪري ورتو.
اويس منير 2015ع کانپوءِ پهريون پاڪستاني ڪوئيسٽ آهي جنهن ايشين اسنوڪر چيمپيئن شپ جي فائنل لاءِ ڪواليفاءِ ڪيو آهي.
