اسلام آباد (ويب ڊيسڪ) ن ليگ ۽ پ پ وچ ۾ حڪومت سازي جي معاملي تي اڳڀرائي سامهون آئي آهي ۽ پ پ وفاقي ڪابينا ۾ شامل ٿيڻ لاءِ راضپو ظاهر ڪري ڇڏيو آهي.
ذريعن موجب ن ليگ ۽ پ پ گڏي ملڪ کي معاشي ۽ سياسي بحران مان ڪڍڻ جو فيصلو ڪيو آهي.
ذريعن جو چوڻ آهي ته پ پ وفاقي ڪابينا ۾ شموليت لاءِ راضپو ظاهر ڪري ڇڏيو آهي، پ پ ۽ ن ليگ ۾ حڪومت سازي جا معاملا آخري مرحلي ۾ پهچي ويا آهن.
ذريعن موجب صدر ۽ قومي اسيمبلي اسپيڪر جا عهدا پ پ کي ملندا، جڏهن ته سينيٽ چيئرمين ۽ چئني گورنرن جو فيصلو پوءِ ڪيو ويندو.
ذريعن جو چوڻ آهي ته بلوچستان ۾ پ پ ۽ ن ليگ گڏجي حڪومت ٺاهينديون، جنهن ۾ وڏو وزير پ پ جو هوندو، پ پ پنجاب ۾ به ڪابينا جو حصو بڻجندي، پ پ کي پنجاب ۾ ٻه يا ٽي وزارتون ملڻ جو امڪان آهي.
