ممبئي (ويب ڊيسڪ) ناليواري ڀارتي اداڪارا ڪويتا چوڌري دل جو دورو پوڻ سبب فوت ٿي وئي.
پرڏيهي ميڊيا جي رپورٽن موجب 54 ورهين جي اداڪارا ڪينسر ۾ به مبتلا هئي ۽ سندس علاج هلي رهيو هو پر انهيءَ دوران کيس دل جو دورو پيو جنهن سبب هوءَ فوت ٿي وئي.
ڪويتا چوڌري جي اوچتي موت ڀارتي ٽي وي انڊسٽري کي سوڳوار ڪري ڇڏيو آهي ۽ سندس ساٿي فنڪارن اننگ ديسائي، امت ڀل ۽ ٻين افسوس جو اظهار ڪيو آهي.
واضح رهي ته اداڪارا کي ٽي وي ڊرامن اڙان ۽ آِ پي ايس ڊائريز سان شهرت ملي ۽ عورت پوليس آفيسر جي ڪردار ۾ گھڻو ساراهيو ويو.
