واشنگٽن (ويب ڊيسڪ) آمريڪا هڪ ڀيرو وري پاڪستان ۾ شفاف چونڊ عمل يقيني بڻائڻ تي زور ڏنو آهي.
وائيٽ هائوس جي ترجمان ڪيرن جين پيئر چيو آهي ته نجي ۽ عوامي سطح تي رابطن ۾ پاڪستاني حڪومت ۽ سياستدانن کي واضح ڪري چڪا آهيون ته عوامي خواهشن جو احترام ڪن ۽ چونڊ عمل ۾ شفافيت يقيني بڻائين، جيڪو تمام اهم ۽ ضروري آهي.
ترجمان ٻڌايو ته صدر بائيڊن پاڪستاني چونڊن جي نتيجن کان آگاهه آهي ۽ ڄاڻي ٿو ته پاڪستاني چونڊن ۾ عورتن ۽ نوجوانن سميت لکين پاڪستان ووٽ وجهڻ لاءِ نڪتا.
وائيٽ هائوس جي ترجمان جو چوڻ هو ته آمريڪا هم خيال جمهوريتن سان گڏ بيٺل هجڻ تي فخر ڪندو آهي.
