اسلام آباد ( ويب ڊيسڪ) صدر عارف علوي چيو آهي ته عام چونڊن ۾ اليڪٽرانڪ ووٽنگ مشين هجي ها پاڪستان هن بحران کان بچي وڃي ها.
سماجي رابطن واري ويب سائيٽ ايڪس تي ٽوئٽ ڪندي صدر عارف علوي چيو ته اليڪٽرانڪ ووٽنگ مشينن لاءِ سندن جدوجهد کي ياد رکيو ويندو.
Remember ‘our’ long struggle for Electronic Voting Machines. EVM had paper ballots that could be counted separately by hand (like it is being done today) BUT it also had a simple electronic calculator/counter of each vote button pressed. Totals of every candidate would have been…
— Dr. Arif Alvi (@ArifAlvi) February 10, 2024
هن چيو ته اي وي ايم ۾ ڪاغذي بيلٽ هئا، جنهن کي هٿ سان ڳڻي سگهجي پيو پر هُن ۾ هڪ الڪٽرانڪ ڪيلڪوليٽر ڪائونٽر به هو.
صدر عارف علوي چيو ته اي وي ايم ۾ هر ووٽ لاءِ دٻائڻ واري بٽڻ سان گڏوگڏ ڳڻپ جي سهولت به موجود هئي، هر اميدوار جو نتيجو پولنگ ختم ٿيڻ جي پنجن منٽن اندر دستياب هجي ها ۽ پرنٽ به ٿي وڃي ها.
هن چيو ته اي وي ايم سسٽم لاءِ هنن ايوان صدر ۾ 50 کان وڌيڪ گڏجاڻيون ڪيون جيڪي ناڪام ٿي ويون.