ڪراچي (ويب ڊيسڪ) مشهور پاڪستان گلوڪار ابرارالحق سڀاڻي 8 فيبروري تيٿيندڙ عام چونڊن تان هٿ کڻڻ جو اعلان ڪري ڇڏيو.
سماجي رابطن جي ويب سائيٽ ايڪس (ٽوئيٽر) تي جاري ڪيل بيان ۾ ابرارالحق چيو ته آئون اليڪشن نه وڙهي رهيو آهيان، آئون پنهنجا نامزدگي ڪاغذ وقت سر واپس نه وٺي سگھيس.
هن چيو ته مون لاءِ وڌيڪ ضروري هو ته آئون سنگل ووٽ جي اهميت جو پيغام اوهان تائين پهچائي سگھان، الله تعاليٰ پاڪستان ۽ پاڪستانين تي ٻاجهه ڪري.
I am not contesting election 2024. I couldn’t withdraw my documents in time therefore I thought it is appropriate to give a public message as even a single vote counts . May Allah swt bless Pakistan and Pakistanis.
— Abrar Ul Haq (@AbrarUlHaqPK) February 6, 2024
سوشل ميڊيا تي خبرون گردش ڪري رهيون هيو ته ابرارالحق به هن ڀيري اليڪشن ۾ حصو وٺي رهيو آهي، جنهن کان پوءِ گلوڪار اهو وضاحتي بيان جاري ڪيو.
واضح رهي ته 2023ع ۾ 9 مئي جي پُرتشدد واقعن کان پوءِ گلوڪار ابرارالحق پاڪستان تحريڪ انصاف کان لاتعلقي جو اعلان ڪيو هو.
