صحتمند ۽ سنهڙو نظر اچڻ سڀ جي خواهش هوندي آهي ۽ جيڪڏهن جسم جي ڳالهه ڪئي وڃي ته سڀ کان وڌيڪ چرٻي پيٽ تي ٿيندي آهي جنهن کي گھٽائڻ تمام ڏکيو هوندو آهي، لڙڪيل ۽ وڌندڙ پيٽ ڪنهن کي پسند ناهي پر اوهان ڪجهه ٻجن جو استعمال ڪندي ان کي گھٽائي سگھو ٿا.
اُهي ماڻهو جيڪي تيزي سان پيٽ جي چرٻي گھٽائڻ چاهين ٿا انهن لاءِ هيٺ بيان ڏسيل ٻِجن جو استعمال فائديمند آهي.
تخم بالنگا
تخم بالنگا ۾ وڏي مقدار ۾ فائبر هوندو آهي جنهن جي استعمال سان اوهان جو پيٽ سڄو ڏينهن ڀريل محسوس ٿيندو آهي.
ان کانسواءِ اوميگا ٿري فيٽي ايسڊز هجڻ جي ڪري تخم بالنگا وزن گھٽائڻ ۽ اوهان کي صحتمند رکڻ ۾ به مدد فراهم ڪندو آهي.
السي
السي جي ٻجن ۾ به فائبر ۽ اوميگا ٿري فيٽي ايسڊز هوندا آهن جيڪي دل کي جوان رکڻ سان گڏ پيٽ جي نظام کي درست رکڻ ۾ مدد فراهم ڪندا آهن جڏهن ته وزن گھٽائڻ ۾ به ان جو استعمال ڪيو ويندو آهي.
سورج مکي جا ٻج
سورج مکي جا گُل جيترا خوبصورت هجن ٿا ان جا ٻج به اوترا ئي فائديمند آهن، ان جي ٻجن ۾ وٽامن اي، ميگنيشيئم ۽ سيلينيم هوندو آهي جيڪو وزن گھٽائڻ ۾ ڪردار ادا ڪندا آهن.
سورج مکي جا ٻج بک گھٽائيندا آهن جڏهن ته اهي اوهان جي جسم کي ڪيلوريز به فراهم ڪندا آهن.
ڪَدوءَ جا ٻج
جيڪڏهن اوهان وزن گھٽائڻ جا خواهشمند آهيو ته ڪدو جا ٻج بهترين چونڊ آهن ڇو جو اهي وزن گھٽائڻ جي صلاحيت رکڻ سان گڏوگڏ اوهان جي مدافعتي نظام کي قوت فراهم ڪن ٿا.
ڪدو جي ٻجن ۾ فائبر، پروٽين ۽ ميگنيشيم جو جهجهو مقدار هوندو آهي.
