وشاڪاپٽنم( ويب ڊيسڪ ) انگلينڊ خلاف ٻي ٽيسٽ ميچ دوران ڀارتي اسپنر روي چندرن ايشون بيٽنگ دوران امپائر سان اٽڪي پيو.
ڀارت ۽ انگلينڊ وچ ۾ جاري ٻي ٽيسٽ ميچ جي پهرين ڏينهن يشسوي جئسوال انگلش ڪرڪيٽرز کان مبارڪباد وصول ڪري رهيو هو جڏهن ته ٻئي پاسي بيٽنگ تي موجود سندس پارٽنر روي چندرن ايشون امپائر سان بحث ڪندي نظر آيو.
سوشل ميڊيا تي وائرل وڊيو ۾ روي چندرن ايشون کي امپائر ماريس ايراسمس سان سخت لهجي ۾ ڳالهائيندي نظر اچي رهيو آهي جنهن ۾ اندازو لڳائي سگهجي ٿو ته هو ڪنهن ڳالهه تي پريشان آهي.
ميچ دوران ايشون اهڙو رويو ڇو اختيار ڪيو اِهو واضح ناهي ٿي سگهيو.
ravichandran ashwin fight with umpire #INDvsENGTest #INDvsENG #2ndTest @ashwinravi99 pic.twitter.com/tZBEsBNlni
— Sayyad Nag Pasha (@nag_pasha) February 2, 2024
ميچ دوران ليگ اسپنر ريحان احمد ڏينهن جي آخري ڇهن بالن تي ايشون بيٽنگ ڪئي، پر ڏينهن جي آخري بال جو دفاع ڪرڻ کان ترت پوءِ هن امپار جو ڌيان پاڻ ڏانهن ڇڪايو ۽ ڪنهن شيءَ جي شڪايت ڪئي.
واضح رهي ته ٻي ٽيسٽ ميچ جي پهرين ڏينهن ڀارت ڇهن وڪيٽن جي نقصان تي 336 رنسون ٺاهي ورتيون آهن، يشسوي جئسوال 179 ۽ ايشون 5 رنسون ٺاهي ڪريز تي موجود آهي.
انگليند طرفان ڊيبيو ڪندڙ پاڪستاني ڄائي اسپنر شعيب بشير ٻه وڪيٽون حاصل ڪيون.
