برسبين ۾ ويسٽ انڊيز ۽ آسٽريليا جي وچ ۾ جاري ٻي ٽيسٽ ميچ جي پهرين ڏينهن آسٽريلوي ڪرڪيٽر ڪيمرون گرين کي ڪورونا سبب ٽيم سان گڏ خوشي ملهائڻ ۾ پريشاني جو منهن ڏسڻو پيو.
ٽيسٽ ميچ جي پهرين ڏينهن جڏهن آسٽريلوي فاسٽ بالر ويسٽ انڊيز جي بيٽر جي وڪيٽ حاصل ڪئي ته سمورا آسٽريلوي رانديگرن خوشي ملهائڻ لاءِ گڏ ٿيا، ان موقعي تي ڪيمرون گرين به پنهنجي ٽيم جي رانديگرن جي ويجهو اچڻ لڳو.
Hazlewood shoos away the Covid-positive Green! 🤪 #AUSvWI pic.twitter.com/iQFbbKfpwV
— cricket.com.au (@cricketcomau) January 25, 2024
ان موقعي تي ڪيمرون گرين اوچتو رانديگرن جي وڌيڪ ويجهو اچڻ کان پاڻ کي روڪي نه سگهيو جنهن کانپوءِ هيزل ووڊ به مذاق ۽ دلچسپ انداز ۾ پري رهڻ جو اشارو ڪيو.
آسٽريلوي آل رائونڊر ڪيمرون گرين ڪورونا باوجود برسبين ٽيسٽ کيڏي رهيو آهي، ميچ دوران کيس رانديگرن کان الڳ رهڻ ۽ هٿ ملائڻ کان منع ڪيو ويو آهي.