اسلام آباد (ويب ڊيسڪ) ملڪ ۾ عام چونڊن جي موقعي تي تعليمي ادارن ۾ 8 موڪلن جو امڪان آهي، 4 فيبروري آچر کان بند ٿيندڙ اسڪول 12 فيبروري سومر تي کلندا.
پاڪستان ۾ 8 فيبروري تي عام چونڊون ٿينديون، جنهن جون تياريون عروج تي آهن.
عام چونڊن کي ڏسندي تعليمي ادارن ۾ 8 موڪلن جو امڪان ظاهر ڪيو پيو وڃي.
ذريعن جو چوڻ آهي ته سڄي ملڪ ۾ چونڊن لاءِ 8 فيبروري خميس تي پولنگ ٿيندي، 4 فيبروري تي آچر ۽ 5 فيبروري تي ڪشمير ڏهاڙي سبب تعليمي ادارا بند رهندا، جڏهن ته 6 کان 10 فيبروري تائين عام چونڊن جون موڪلون هونديون.
ان کانپوءِ 11 فيبروري تي وري آچر اچي رهيو آهي، جنهن کانپوءِ تعليمي ادارا 12 فيبروري تي کلندا.
