عمران خان جي اڳوڻي گهرواري ريحام خان اڳوڻي صدر آصف علي زرداري جي شخصيت جي تعريف ڪرڻ لڳي.
سوشل ميڊيا تي هڪ وڊيو وائرل آهي، جنهن ۾ ريحام خان هڪ شادي جي تقريب دوران آصف زرداري سان ملاقات ڪري رهي آهي.
اها تقريب اڳوڻي وزير فيصل واوڊا جي ڌيءَ جي شادي جي هئي، جنهن ۾ آصف زرداري، صادق سنجراڻي سميت ڪيترين ئي شخصيتن شرڪت ڪئي.
وڊيو ۾ ڏسي سگهجي ٿو ته آصف زرداري جي اچڻ تي اتي موجود ماڻهو ساڻس هٿ ملائي رهيا آهن، ان دوران ريحام خان به اڳوڻي صدر سامهون ادب واري انداز ۾ نِوڙي سلام ڪيو.
ايڪس تي هڪ پوسٽ کي ري پوسٽ ڪندي ريحام ان وڊيو ۾ ڪيپشن لکيو ته ”زرداري صاحب انتهائي شائسته ۽ فطري طور تي خوشگوار مزاج جو مالڪ آهي“.
هن چيو ته ان ۾ ڪا تعجب جي ڳالهه ناهي ته بختاور، بلاول ۽ آصفه ايتري خوبصورت ادب جا مالڪ آهن.
Api @RehamKhan1 with boss @AAliZardari 🌹🎯 pic.twitter.com/pMDaNGimYw
— Muzamil Chang🇱🇾 (@MuzamilChang) January 14, 2024
