ڪراچي (رپورٽ: سيد قربان علي) ڪراچي ۾ پڙهندڙ شهدادپور واسي نوجوان بلال فيروز آباد ٿاڻي جي حدن مان گم ٿي ويو.
شدادپور واسي غريب واڍي جو اڪيلو پٽ نوجوان بلال لياري جي بينظير ڀٽو ميڊيڪيل ڪاليج ۾ فرسٽ ايئر جو شاگرد آهي ۽ عارضي طور طارق روڊ واري علائقي ۾ رهندڙ هو، جيڪو 18 ڊسمبر کان گم ٿي ويو آهي.
بلال جو 20 ڊسمبر تي ايم بي بي ايس جي فرسٽ ايئر جو پهريون پيپر هو پر ان کان ٻه ڏينهن اڳ هو گم ٿي ويو، سندس پيءَ شهباز اهڙو اطلاع فيروز آباد ٿاڻي تي ڏني پر پوليس اڃا تائين نوجوان جو پتو ناهي لڳائي سگهي.
بلال جو پيءُ ڪراچي ۾ ڌڪا کائڻ تي مجبور آهي، جڏهن ته سندس امڙ جو شهدادپور ۾ روئي روئي برو حال ٿي ويو آهي پر پوليس سندن ڪا به مدد ناهي ڪئي.
