راولپنڊي (ويب ڊيسڪ) آرمي چيف جنرل عاصم منير چيو آهي ته پاڪستان بلاڪ پاليٽڪس تي يقين نٿو رکي ۽ سڀني دوست ملڪن سان متوازن لاڳاپا برقرار رکڻ تي يقين رکون ٿا.
آمريڪي ٿنڪ ٽينڪس ۽ ميڊيا ميمبرن سان خاص ملاقات ۾ آرمي چيف علائقائي سلامتي، عالمي دهشتگردي ۽ ڏکڻ ايشيا ۾ اسٽريٽيجڪ استحڪام کي برقرار رکڻ جي اهميت تي پاڪستان جي نظريي کي اجاڳر ڪيو.
هن ڪشمير مسئلي کي اتان جي عوام جي خواهش ۽ گڏيل قومن جي ٺهرائن موجب حل ڪرڻ جي ضرورت تي زور ڏنو.
آرمي چيف غزا ۾ فوري طور جنگبندي تي زور ڏيندي چيو ته خطي ۾ پائيدار امن لاءِ ٻه رياستي حل ضروري آهي.
پاڪ فوج جي سربراهه چيو ته پاڪستان دهشتگردي خلاف جنگ ۾ وڏيون قربانيون ڏنيون آهن ۽ عوام جي حمايت سان آخري دهشتگرد جي خاتمي تائين اها جنگ جاري رهندي.
Next Post
You might also like